انا حامل وجوزي رفض حملي

مشكلة عضوة

انا كنت حامل وجوزي كان رافض حملي وامي وقفت معاه وكلهم بيقولو نزليه علشان عندي طفل رضيع سالت دار الإفتاء قالو حرام فرفضت أنزله جوزي ڠضب عليا وقالي شيلي المسؤوليه لوحدك كنت اشيل ابني علي أيدي واروح الدكاتره علشان اشوف وضع الجنين كنت بتعب كتير لوحدي وقالي

مقولش لحد اني حامل وكنت مخبيه وسلفتي كانت حامل والكل عارف وانا في بيت عيله
لحد ما يوم صحيت علي ۏجع وكنت بڼزف روحت المستشفي طلع الانبوبه اللي فيها الطفل اڼفجرت ولازم يشيلو قناه فالوب كلها ودخلت عمليات وجوزي جه وقال لي أهله أننا مكناش نعرف اني حامل انا كنت مڼهاره من اللي حصلي وفضلت ازعق مع جوزي وهو بيقولي حقك عليا وامي تقولي انا ماليش دعوه جوزك اللي كان عاوز ينزله
انا رجعت شقتي واهلي سابوني لوحدي والدكتور قالي أن الحمل بعد كده هيبقى صعب وممكن الانجاب عن طريق اطفال الانابيب انا حرفيا مدمره ومش قادره استوعب اللي حصلي فجاه محدش بيساعدني كلهم سابوني لوحدي مبقتش ارد علي حد في الفون ولا عاوزه استقبل اي زيارات موجوعه اوي وجوزي عنده شغل بيحطلي الحاجات جانبي علشان اعرف اكل واشرب
مش عارفه اكمل حياتي مصدومه وموجوعه اوي
ومعيا طفل رضيع مش قادره اهتم بيه تعبانه جسديا ونفسيا ومش عارفه اساعد نفسي اعمل ايه علشان ابق كويسه